|
| 係呀我每次打xg之前都要提一提. xg你唔好對摺.
再一次, 唔該你呀 (melody mode) 
我真係好鍾意我間學校, 一人一部免費notebk, 仲有每個sem 有800個quota print野, 我用晒d quota print左近千頁紙, 下世做樹都唔掂.
1223.
返以前學校, 見到久遠了的同學, 還有葉先生:D 連達穿皮褸, 會在葉先生家樓下渣電單車-v- 韓陽苑韓燒. 為何旺角店質素比cb店好這麼多-0- 王c行2006年時的開心大發現:
中華沙律可以有效清潔貼滿鑊屎的核突鑊.
使用方法:
掟一pat中華沙律落鑊, 然後用夾實佢係咁卒卒卒卒卒, 中華沙律就會由原來的綠色變成黑色, 美麗的鑊面也會重見天日! 用中華沙律抹鑊呢招真係好駛得, 大家下次去韓燒都可以試下:D
ps 莫莫說用西瓜皮也很有效, 大家可以試埋佢 晚上到韓國同學的hall玩樂去.
其實主要是她煮韓國菜給我們吃:D
好味 =]
酒精飲品味道好. 因為冇酒味. 哈哈 發現洪同學笑點奇低, 咩都笑勁耐, 很好啊我最喜歡笑點低的人 :D
話說廖同學轉述了一個從前聽過的gag :
從前有人跌了些愛在海裡, 那裡就成了愛琴海. 又有人跌了些頭髮, 那裡就成了地中海. 然後洪同學就不停地笑而且笑到差點要嘔XDDD
於是我決定將我畢生說過聽過的gag都說給她聽!
第一個:
西裝友既簡稱係西柚. 洪同學聽完又哈哈哈的笑了很久. 真的令我很有成功感XD
所以我再接再厲
第二個:
好kai既人叫kai子, 好膠既人叫膠紙 點知洪同學唔笑, 仲話: 呢個唔好笑.
啊 大受打擊, 哎, 我決定唔繼續講gag畀佢聽 麥同學說大象是有五隻腳的.
第五隻腳是牠的那個器官, 因為大象那器官長到貼地! 雖不及象腿般粗但也很粗!
啊, 難怪我去年在上海見到那大象...
我有拍下來的! 這個這個
啊 我還記得我在猜 到底那個是不是那器官, 還是其實是尾巴甚麼的...可是又沒可能是尾巴, 明明那尾巴是長在屁股後的...但我又覺得那器官不可能長成這個形態...我以為那大象是k型, 原來那是正常的-0-
是我太無知.
啊啊啊但這個真的, 我真心覺得, 啊點解會咁嫁, 點解會咁長嫁, 長到咁點用到係雌象身上? 是雄象要先用兩隻後腿站起來嗎????? 可是牠必須站得很高才行啊?? 但牠的腿這麼短?? 還是牠用兩條後腿站起來, 再向前走...?! 那豈不是很莫斯科馬戲團??? 呀呀呀! 匪夷所思!!!
1224
美食展.
活了這麼多年才第一次去這種賣食物的大型活動.
試飲了很多不知名液體, 還吃了冬菇, 朱古力蛋糕, 薯片, 午餐肉(煎過的!), 蘑菇, 龍鬚糖, 沙爹牛肉, 脆脆豬肉乾, 臘腸etc
呀, 最開心是吃到豆豉鯪魚和五香肉丁! 見到有鬥快食漢堡包比賽, 限時三分鐘食六個包(不過後來沒人完成所以加時了), 勝出者可獲10張現金券, 其他參賽者也有兩張.
回家後我跟我媽說有鬥快食野比賽, 點知佢係咁話做咩唔上去食, 橫掂上親去都有獎, 又有免費野食, 食唔晒都可以拎埋佢個包走, 做咩唔去
-.- 估唔到佢咁熱衷... 1225
尖沙咀燈飾
哇海港城d人多到... people mountain people sea -.-
 1226
仍是尖沙咀燈飾
原來旅發局個繽紛冬日節有免費棉花糖(有碌棍捲捲捲個種) 同爆谷食
即刻排隊拎黎食, 食完又排排完又食. 食左三轉XD
食個陣唔知咩事好大風...
其中一次我拎左棉花糖同爆谷後, 先食爆谷, 食完爆谷之後發現手上個條係空棍...d棉花糖唔見晒... 我諗應該係畀風吹走左-___- | | |
| 又好耐冇打. 我驚xg會對摺所以我要打下野. 考完試. sem break來了
咁又過左六分一個大學生活... 我唔想投身社會-3- 好似好多人讀大學讀到好辛苦咁, 我慶幸我好悠閒.
考試個輪仲hea, 因為唔駛返學, 我由最初九點起身, 搞搞下變左十一點先起, 自從考完linguistics I同整完網站之後我就hea晒底-v- hea還hea. 上左大學確係多野諗左.
一諗到第日畢業唔知做乜好就想年年留班直到永遠-3- 所以我而家好慶幸我repeat過, 將快活既生活延長左一年...雖然咁諗係冇大志, 但都冇計... 讀d咁既科出黎唔教書仲可以做乜. 但我由細到大既志願都係寧願渣兜都唔教書-.-
我唔想做梁啟超講既厭惡本業既人. 曾幾何時志願係做librarian, 但而家已經做到左...而且開始厭倦...全日只做兩件事---sort書, 上書, 不停重覆, 我沒靈魂地機械式地重覆sort書上書sort書上書sort書上書, 真係好悶. 如果多幾個唔同task做可能好d, 都叫有幾樣野輪住做下-3-
如果當fulltime做又少錢得濟. 我唔想畢業出黎要fulltime做librarian-.-
其實唔止我個科係咁... 諗落真係好多科都係唔教書冇野撈... 就算畀我讀到理科, 但我又唔會揀nursing, 商科之類, 結果都係會讀d讀完出黎唔知做乜既科-3- 除了職業問題還有社會問題. 這個. 世界太多讓我想不明白的人事, 先不說社會, 小如大學選su都可以如此複雜.
人類, 你們是不是活得不耐煩? 怎地還要把本已複雜的人生搞得更複雜-3- 我唔應該係xg發放負能量, 咁會令d想黎笑既人冇得笑.
講開, 前個輪我睇返自己xg都覺得好好笑, 我覺得自己係一個成功人士. 哈哈哈. 係啦, 個日東亞運開幕, 譚詠麟係度唱"衝出世界"
我爸忽然好激動 : "做咩要衝出世界呀? 衝出世界做咩呀? 衝出香港衝出亞洲就話姐, 衝出世界黎做乜野? "
我 : "衝出世界咪變太空垃圾lor" 佢又岩wor, 衝出世界衝去邊呢-3- 原來樂瞳即係龔茜彤. 靚左wor 近排鍾意研究人地既過去. 呢樣係一樣好好既活動. 嘿嘿嘿
(我就係搞d咁既野搞到成日好夜訓-.- 尋日好犀利呀我12點幾訓左啦. 好耐冇試過咁早) melody大左結局. 兔仔耳朵蒙面俠 =D 我要畀個like佢 王晶事變都幾好睇 | | |
| 某天圖書館有個小孩, 問我為何我的職員證沒相片.
尤於這小孩是圖書館熟客(暑假時天天來圖書館由朝坐到晚, 見親你就問有冇喜洋洋. 又在圖書館叫囂 冇禮貌的麻煩鬼 ), 加上我雖然討厭小孩但又一向有對小孩子亂說話的傾向, 於是我答 我: 我太靚, 影相會靚爆鏡, 所以影唔到相
小孩: ...... 醜怪 雖然我不喜歡她, 不過她還真老實
呢D叫撩人者賤.
仍是圖書館. 某天有個爸爸帶著小孩來問同事J野.
問完後, 爸爸帶著小孩轉身走, 小孩細細聲問爸爸: "頭先個叔叔話咩呀" 叔叔. 可憐的同事J其實只有20歲.
學校. 話說有日上電腦堂, 要做CLASSWORK. 我成堂冇聽過書唔知發生緊咩事, 點知DOCTOR I忽然走黎巡我地做成點. 於是我求其打D最基本野... <html> </html> <head> </head> 之類...
我已經打得好快嫁啦, 我打到去中間 <th> </th> 嫁啦, 呢個時候doctor I巡到埋黎, 佢講左句 "咁叻呀由頭打起"
我答 "係呀" 佢分明寸緊我... 我仲要答佢"係呀"... 但係除左咁我仲可以點應佢-.-
仲要事後我先知原來成個file有得dl, 唔駛自己打-.-
自己羅黎衰, 唔可以怪人寸我-3-
其實樓上講既個位doctor I不嬲bad temper, 有次有同學做唔到個output, 佢好炆咁講左句 "點解你地成日有野又唔問! 乜我而家好惡咩?! "
好明顯佢講呢句既時候超級惡.
之前d同學都試過問野問到佢躁晒底. 又有次有同學問佢野, 佢答"下次我心情好再答你"
真係bad temper. 有次有同學問佢關於 x++同x-- , 因為我太有好奇心同研究精神所以問左句 "咁有冇 'x乘乘' 同 'x除除' ? "
然後doctor I躁底話: "唔好為問野而問野" 咩料, 我幾乎從來都唔會主動問老師問題, 就算有野唔識我都絕少會發問, 我問得係因為我真係想知. 我真係生活左廿年都冇幾可問老師野, 咁難得有野我係有興趣到要問出黎, 佢竟然覺得我亂up野. 淋熄我d求知慾. 一定係我既錯啦, 嬉皮笑臉咁. 好啦, 我錯. 我以後用嚴肅mode.
次次上DOCTOR C堂都要答問題, 但D問題實在太難, 所以我每堂都對住本ANSWER BK黎答問題. 一直以來都相安無事, 點知前幾日, 我如常對住本ANSWER BK答問題, 佢竟然踢爆我睇ANSWER BK -.-
連內地同學都忍唔住笑左-.-
都最後一堂啦咪篤爆我啦-3- 係要踢爆我又唔踢第個-3-
少少唔gur但都係個句,. 又係我自己抵死-v-
佢又唔係寸我唔係話我, 已經好過doctor i好多-3-
| | |
| 最近過著暴飲暴食荒淫無道的生活 連續兩個星期二食左$35自助餐. 多野食左wor, city同學可以一試. 逢星期五食炸髀, 上星期連續兩日食左吉列豬扒, 上星期五食吉野家火鍋, 星期六又任食打邊爐.
仲有星期二又普通話同學打邊爐-v- 星期六打邊爐算是跟bal同學第一次gathering
這酒樓沒田雞供應. 哎.
不過竟然有駝峰肉, 我點了可是卻沒送來, 真可惜 田雞明明是極品, 咁多人唔識欣賞. 麥同學竟然嫌棄我的駝鳥肉, 又話d烏冬似腦漿-.- 我好像被認為是茹毛飲血的人了. 大概是某次談起假如打邊爐時遇上老鼠,
我說: 咁咪掟佢落個煲度煮埋黎食lor 就係因為呢句畀人覺得我變態. 真心覺得進食時是一個很適合說屎尿屁的場合.
某日係敵視你樂園, 見到有個女仔畀朋友影緊相.
望真d發現佢好似係望住我笑.
冇理由佢係望住我既, 一定係我諗太多, 人地影緊相梗係笑笑口, 佢一定係想扮唔望鏡頭, 咁岩望左過黎我呢邊姐. 點知 個女仔對住我大叫: 你又唔認得我啦?!
咦, 佢係咪同我講野呢, 我決定不要自作多情去做夢, 保險d望下四周, confirm下佢係咪叫緊第個人先. 望左望右望後. confirm完. 個女仔仲望緊我. 唔係也...佢真係叫我? 女: 你係咪olc嫁
我: 係呀...
女: 我係xx呀, 上次reg day你又唔認得我, 今日又唔認得我! 啊...原來真係有女仔望住我笑. 哈哈
不過我應該下次再撞到佢都係唔認得-v-
某日係九龍塘地鐵站見到個男仔. 好熟口面. 但我又諗唔到佢係邊個.
點知呢個時候, 個男仔竟然hi我 咦, 原來我真係識得佢? 諗唔起wor 我: ...你識我嫁?
男: 唔識呀, 但我覺得你好熟口面
我: 我都覺得你好熟口面, 但我唔知你係邊個
男: 你係咪xx個friend呀
我: ...唔係wor
男: 咁你係咪yy個friend?
我: ...唔識
男: 唔通係zz?
我: 都唔係-.-
男: 你係咪xxx(某科的簡稱) 嫁?
我: 下...咩黎嫁-.-
男: 你係咪讀xx嫁
我: 唔係wor... 你讀乜嫁
男: xx lor, 我以為你係我department d人添
我: 我好似唔識人讀呢科wor...你識唔識aa?
男: 唔識. bb?
我: 唔識. cc?
男: 唔識. dd?
......(中略) (於是我地互拋左一大堆人名, 但係冇個中) ......
我: 你係咪漫soc嫁
男: 係呀
我: 我又係wor
(於是我地假設我地係漫soc識. 但其實又冇乜理由...我o day又同佢唔同房玩, 借漫畫時都唔覺有見過佢, 不過算啦)
(我地一齊搭地鐵, 係度講動漫野)
我: 涼宮首ed好好聽嫁
男: 咦, 我手機好似有wor
(佢拎部手機出黎搵, 我見到佢全部都係日文歌)
我: 哇, 首首都日文既, 你有冇學日文呀
男: 有呀
我: 咦, 我都有wor
男: 係邊度學?
我: city lor
男: 我又係wor, 我返夜晚堂
我: 我都係wor, 我星期二呀
男: 我都係wor, 你邊班嫁
我: xxx sensei lor
男: 我都係wor! 哦, 原來係日文班同學...搞左咁耐終於都搞清楚-v-
某日我係poly 撞撞撞撞撞到貓王!!! 唔知點解佢知我而家讀咩. 佢話有人講佢聽, 但又唔肯講係邊個-3-
佢好似好羞於講出自己讀咩科咁, 我問佢讀咩, 佢扭扭擰擰咁話"讀電腦 lor"
我: 係咪scheme in computing?
佢: ei? 你點知既
我: 估到
(文科讀得既電腦科都冇邊幾科啦)
佢: 我趕住上堂, 走先啦
然後佢就用佢一貫既奇異跑姿跑住咁走左-口-
......
我望住佢既倩影呆左幾秒先識拎起相機影低佢
 | | |
| 啊太厲害了我竟然一個月冇打xg好神奇啊 最近是比較忙...(全職facebk, 兼職返工, 攝時間讀書-.- )
所以大家一起去happy farm偷野happy一下吧 (撤花) time flies like optical fibre, 大半個sem已經過了. 又到了手掌換皮的季節
(話說我對手每半年會甩一次皮, 雖然甩既過程核突, 但係新生出黎既新皮就好嫩滑, 所以可以換皮是件值得自豪的事, 唔係個個有得換! ) 大學生活果然很糜爛. 我很喜歡-v-
好耐冇試過1點前訓覺, 大部分時間都唔係因為學業而夜訓, 只係上網唔知做咩-.- 中六七時讀的學校校規嚴, 上課充其量只能睡覺和發呆
現在上課時壞事做盡, 比以前中三至中五更猖狂 比較特別的是上課期間無聊到跟鄰座同學msn...伸個頭望隔離已經可以睇到佢打咩畀我-3-
原來望住人地msn自己都幾過癮-v- 另外就是有堂lecture, 每次上堂我係都搵d野畀自己做, 就係點都唔聽書
有次悶到拎左廖同學部文曲星黎玩...但係部機冇遊戲玩...我唯有玩查字典...而且都玩得幾開心...係度查屎尿屁既日文係咩-.- 又有一次我上呢堂lecture時食卑鄙月餅, 仲切開好多份分畀人食XD 自從食過月餅後, 我開始上親呢堂就食野.
第一次買左隻炸髀黎食. d人都好驚奇咁既表情-.-
就係我食完炸髀之後個禮拜開始, 愈來愈多人上堂食野, 岩岩個堂仲好多人跟我食炸髀... 我帶領左上堂食髀既潮流-3- 其實仲有野想打, 不過而家已經2點幾. 我挑戰1點前訓既計劃再度失敗-.-
我要去happy farm度happy下先. 下次再打 | | |
|
